2021-11-19
დიაბეტური ტერფი
შაქრიანი დიაბეტით დაავადების დროს, დიაბეტური ტერფი ერთ-ერთი ყველაზე მძიმე და რთული ეტაპია, რომლის დროსაც ვითარდება წყლულოვანი, ჩირქოვან-ნეკროზული პროცესი და პაციენტს უვითარდება ქვემო კიდურების ტროფიკული ცვლილებები.
დიაბეტური ტერფი, შაქრიანი დიაბეტის მქონე პაციენტთა 50 % -ზე მეტს უვითარდება, რაც სამწუხაროდ ხშირად ხდება ამპუტაციის მიზეზი.
დიაბეტური ტერფის სიმპტომებია:
- მჩხვლეტავი და მწველი ტკივილი გადაადგილებისას;
- ტერფის ქსოვილთა მგრძნობელობის დაქვეითება;
- მომატებული ტკივილი ღამის მანძილზე;
- ტერფის ნაწილში კანის ფერის ცვლილება;
- სიმშრალე და კანის აქერცვლა;
- წყლულები და ნაწიბურები;
- ფეხის თითებს შორის რთულად შესახორცებელი ნახეთქები;
- ფრჩხილების დეფორმაცია;
- თმის ცვენა;
- კანის რქოვანა შრის გასქელება ტერფზე;
- ტერფის დეფორმაცია;
- წვრილი ძვლების სპონტანური მოტეხილობები;
- ე.წ. „დენის დარტყმის“ შეგრძნება;
დიაბეტური ტერფის განვითარების რისკ ჯგუფს მიეკუთვნებიან ვისაც აღენიშნება:
პერიფერიული ნეიროპათია ან სისხლძარღვთა სხვადასხვა პათოლოგიები;
კიდურების წყლულოვანი დაზიანება ან ამპუტაცია ანამნეზში;
მავნე ჩვევებზე დამოკიდებულება (ალკოჰოლის და თამბაქოს მოხმარება);
ჰიპერტონიული დაავადება;
ქოლესტერინის მომატებული დონე;
შაქრიანი დიაბეტის სხვა გართულებები;
მხედველობის დაზიანება
დაავადების თავიდან აცილების მიზნით:
მოერიდეთ არაკომფორტული ფეხსაცმლის ტარებას;
მაქსიმალურად ფრთხილად ჩაიტარეთ ფრჩხილების მოწესრიგების პროცედურა;
მოერიდეთ ფეხშიშველ სიარულს;
თავი შეიკავეთ სპორტის იმ სახეობებისგან, რომელმაც შესაძლოა ზიანი მიაყენოს ფეხს;
ხშირად გამოიყენეთ დამატენიანებლები, რათა კანი არ გამოშრეს;
გახსოვდეთ! სიწითლის, ფრჩხილების იერსახის ცვლილების, დაჩირქებისა თუ დაწყლულების შემჩნევისთანავე მიმართეთ ექიმს